自2018年6月推出第四代鈴木Jimny之後，全球市場對佢非常追捧，喺香港而家仲好難買到。而大家一直關注嘅Jimny五門版（Jimny XL）真車會喺10月21日至11月5日喺鈴木九龍灣Showroom展出。

新版嘅Jimny XL保留咗經典嘅方正外觀，仲加埋啲大家期待嘅升級。最大嘅改變就係新增咗後車門，增加咗車長同軸距340mm，Jimny XL嘅長度3985mm，比三門版嘅Jimny長咗335mm。而且車頭嘅鬼面罩仲加咗電鍍條，令成架車嘅質感昇華咗。另外，你仲可以揀Two-Tone雙色車頂。

車內方面，Jimny五門版係而家嘅配置上仲做咗啲升級。7吋嘅顯示屏被9吋嘅觸控屏取代，而Smart Play Pro+車載系統支援Apple CarPlay同Android Auto。車度仲有Keyless、電動摺疊後視鏡同後泊車感測。喺安全方面，Jimny XL配備咗主動巡航控制（ACC）、前方碰撞警示同車道偏離警示等功能。因為車身尺寸增加咗，無論係坐定係置物嘅空間都多咗。 ，比三門版嘅85L明顯多好多。新增嘅後車門亦令後排乘客上落車更加方便。

喺動力方面，Jimny五門版用咗同三門版一樣嘅1460cc四缸自然進氣引擎，最大輸出功率係102匹馬力同130 Nm嘅扭力。而喺香港市場，只提供4前速自動波，冇手動變速器。仲保留咗陣式車架、前後軸嘅三連桿固定式懸掛，AllGrip Pro四驅系統同加力箱設定。