呢架2023年嘅豐田Voxy Hybrid S-Z係一部七人座嘅車款，唔止實用，佢分明嘅線條展現出獨特時尚嘅外觀風格，令人印象深刻。備有獨家嘅鬼面罩、三眼LED頭燈同埋華麗嘅17吋金屬輪圈，營造出氣勢非凡嘅感覺。

車廂方面，Voxy Hybrid S-Z結合先進科技同舒適嘅設計。兩邊嘅電趟門配置咗登車踏板，車身離地高度約200mm，無論係細路仔定長者上落車都無問題。車內設有舒適嘅皮革座椅，配備腳掃式感應側門同埋7吋TFT儀錶板等先進設備。中排座椅採用 Captain Seat，有獨立嘅腳踏板。後排座椅可以輕鬆摺疊，單手都搞得掂。座艙高度約1,405mm，無論係坐定擺行李都夠曬位，行李箱下面仲有額外嘅儲物空間添。電動尾門設有開關制，可以自由調節尾門嘅角度，拎野唔再受停車地點嘅局限。而黑色嘅Voxy Hybrid S-Z除咗有齊以上嘅功能之外，車內更配備咗可接合嘅顯示屏、窗邊雨刷同埋抬頭顯示器，為車主同乘客提供更全面嘅車內體驗。

Voxy Hybrid S-Z採用全新嘅TNGA底盤，提供穩定操控。配備最新嘅1.8 Hybrid四缸自然進氣引擎，相比起舊款汽油版大幅減低油耗，平均每公里唔使$0.7。安全性能方面，Voxy Hybrid S-Z配備最新嘅Toyota Safety Sense套件，包括預警式防追撞系統（PCS）、自動遠近光切換系統、車道偏移警示系統同埋全速域主動式車距維持定速巡航控制（ACC），為車主提供全方位嘅安全保護。